الخميس، 14 أبريل، 2011

افتقدك...

مش قادرة اقولك اد اية بتوحشنى
مش قادرة ابكى ولا اتالم
مش قادرة احكى ولا اتكلم
كل الحياة بقت واحدة
متالمة ومتعزبة ومكسورة من جوايا اوى
محتاجة ايد تمسح دمعتى
محتاجة حضن يضمنى
محتاجة قلب يخاف عليا يحبنى
لحد امتى هشوفك بس فى منامى
امتى بس هتطلع من احلامى وخيالى
محتاجة اشوفك فى الحقيقة ولو لمرة
طيفك فى حياتى هيخلينى فى احلى فرحة 

بقلمى,,,,
 

السبت، 12 فبراير، 2011

اعترافات العادلى بخصوص غرفة جهنم بمقر الحزب الوطنى

نشرت الجريدة” الكويتية أمس، اعترافات جديدة لوزير الداخلية المقال حبيب العادلي خلال التحقيق معه . وكشف العادلي – طبقا لما نقلته الجريدة – عن ماأسماه غرفة جهنم السرية  بمقر الحزب الوطني مشيرا إلى  أن الغرفة كانت مخصصة لرصد جرائم المسئولين وكبار رجال الدولة وأفراد البعثات الدبلوماسية لاستغلالها وقت اللزوم ..مشيرا إلى تورط جمال مبارك وصفوت الشريف في الاشراف على الغرفةوقال  العادلي أنه كان يتلقى  أوامره من الرئيس مبارك وفقط، وأن  يجب سؤال مبارك أولاً عن الجرائم التي نسبت للعادلي. و تنشر “البديل” نص التقرير الذي نشرته “الجريدة” الكويتية يوم أمس.
كشف وزير الداخلية السابق حبيب العادلي أثناء التحقيقات معه عن وجود غرفة في مقر الحزب ‘الوطني الديمقراطي’ الرئيسي في ميدان التحرير بالقاهرة، يعلم مكانها ويحتفظ بأسرارها كل من أمين الحزب السابق صفوت الشريف وأمين لجنة السياسات السابق جمال مبارك، تحتوي على تقارير موثقة بالصوت والصورة والمستندات لما سماه ‘جرائم’ كبار المسؤولين بالدولة والبعثات الأجنبية العاملة في القاهرة.
وقال العادلي إن هذه التقارير كانت تسلم أولا بأول إلى الشريف ومبارك الابن وانهم كانوا يخفونها في غرفة مجهولة في مقر ‘الوطني’ الرئيسي، وانهم كانوا يطلقون عليها ‘غرفة جهنم’.
وأكد الوزير السابق الموضوع تحت الإقامة الجبرية رهن التحقيقات، أنه كان عضوا من أعضاء الحكومة وليس كل شيء بها، وأنه لم يكن الآمر الناهي الوحيد في الوزارة ، بل كان ينفذ في أغلب الأحيان تعليمات عليا كانت تأتي إليه عبر الهاتف من قيادات بارزة في الحزب الحاكم.
وأشار إلى أن التنظيم السري الذي تم تأسيسه في الوزارة عام 2000 باسم ‘الجهاز السري للأمن السياسي’ كان يعمل تحت قيادته المباشرة ولم يكن هدفه التخريب بشكل مباشر، كما أشيع خلال الأيام الماضية، مؤكدا أن هذا التنظيم كان هدفه الأساسي إعداد تقارير ‘غرفة جهنم’.
وقال العادلي في ثالث جلسات التحقيق معه بمعرفة نيابة أمن الدولة العليا، إن الاتهامات الموجهة إليه مضحكة، وانه قدم ككبش فداء للنظام، وذلك بسبب كره عدد كبير من الشعب له ظنا من النظام أن مثل هذا الإجراء سوف يهدئ من روع المواطنين، وأضاف: ‘لكن الناس لم تصدق أنني المجرم في حقهم، لأن الجميع في مصر وخارجها يعلمون أنني وجميع الوزراء نعمل طبقا لتعليمات السيد الرئيس وليس من رؤوسنا، لأننا باختصار دورنا مختزل في رفع التقارير والتوصيات إلى الرئيس وهو صاحب القرار، وبالتالي فإن أي اتهام موجه إلي يجب أن يسأل عنه الرئيس لا أنا’.
وشدد على أنه لن يقبل أن يكون ‘كبش فداء لرجال الأعمال’، واعدا بتقديم مستندات تدين الجميع وتبرئ ساحته وتلقي بالاتهامات الموجهة إليه على رؤوس أصحابها الحقيقيين.
وطالب العادلي في نهاية جلسة التحقيق الثالثة التي لم تستمر إلا حوالي نصف ساعة بإرجاء التحقيق إلى حين إجراء اتصالات بمقربين، لإحضار المستندات التي ذكرها في التحقيق إلى محل إقامته الجبرية، وبناء عليه تم تأجيل جلسات التحقيق إلى بعد غد السبت المقبل لتقديم المستندات

هذا ليس كﻻمى ولكنة فقط منقول , والله اعلى واعلم..

كلنا فداكى يامصر يابلدى ...

انا اول ما سمعت قرار التنحى لمبارك بجد فرحت وجوايا كان خوف من التوقيت ان مصر يحصلها حاجة وكمان كنت زعﻻنة انة يمشى بطريقة زى دى بس بجد بعد اللى انتشر من امﻻكة وثروتة وكمان بعد ما قرات عن غرفة جهنم والكوارث اللى ظهرتلة مابقتش خايفة وبدات افرح وزى ماتيجى واكيد ربنا هيحمينا ان شاء الله . بس السبب الوحيد اللى مخلينى لسة متعاطفة معاه بعد كل دة هو سبب تعبة على حد ما سمعنا بجد ربنا يشفية ياارب . وربنا يكرم بلدنا باحلى رئاسة وقيادة صح , ومصر ترجع بلد الخير والعدل واﻻمن واﻻمان ...
كلنا فداكى يامصر يابلدى ...

الجمعة، 11 فبراير، 2011

تيجو نحلم ... يوم حر

11/2/2011

دا تاريخ النهاردة , يوم مهم جداا فى تاريخ مصر ,وخاصة شباب مصر , مش عارفة اثارة هتكون ايجابية ولا سلبية 
بس كل اللى متاكدة منة ان ربنا هيحمى مصر كما اعزها فى القران , على الرغم من ان الحدث مهم وفرح كل الشعب الا انى متاكدة ان جوا كل مصرى نفس المخاوف اللى جوايا , خايفين مصر تقع , خايفين المتهالكين ع السلطة يدمروها , خايفين من اى تدخل خارجى , الجميل الوحيد اللى عمرى ماهنساة لمبارك انة عيش مصر 30 سنة فى سلام , عمرى ماخفت ولا قلقت من بكرة عمرى ما مشيت فى اى شارع وانا خايفة عمرى ماقلقت , اها فعلا معا كل اللى احنا فية من بطالة ومرض وقهر بس عارفة انى هصحى الصبح الاقينى فى وسط اهلى حتى لو مش هنلاقى ناكل زى ما كان بيحصل بين كتير من معدومى الدخل فى بلدنا ومعا غلاء الاسعار كمان , بس هنام فى حضن امى واصحى بصوت ابويا واروح مدرستى معا اختى واخويا هيحمينى وكل مصرى فى بلدى اخويا بيخاف عليا شهم واصيل جنبى .

انا مش زعلانة على مبارك نفسة انا جوايا خوف من نتائج القرار دة اللى لسة اثرة ماظهرش .....

اليوم بعد 17 يوم من ثورة شعبنا شبابنا الغالى من يوم 25/1/2011 وقرارات عدت وكلام كتر وحكومات اتغيرت وفضل الشعب مصر ع التغير , يااة يامصرى بعد 30 سنة سكوت وصمت فجاءة تقول تغير وبدا يغير بردو التغير . حتى النهاية , يوم الجمعة سموها جمعة الحسم , اى حسم الموقف اى بنهاية مبارك . نعم نهاية ورحيل مبارك , مانا غيرتلكم الوزارة غيرتلكم اهو وحاكمت ناس وهغير الدستور .. بردو لا عاوزين رحيلك رحيلك يامبارك . وفى النهاية استسلم مبارك وتنحى عن رئاسة الجمهورية .
بجد, انا فى حلم ولا علم .. لا بجد بس ادعو مصر تتغير من زمن الكوسة والسرقة والنهب والمرض وتكون مدينة علم وخيرها يكون لولادها وشبابها واهلها والكل يعيش ويحلم ...

فقط البداية ...

بسم الله الرحمن الرحيم

  هذة اول كتاباتى فى مدونتى وان شاء الله لم تكن  الاخيرة ,,

  لااعلم ماذا اكتب او عن اى موضوع اتكلم على الرغم من تزاحم المعلومات بداخلى وكذلك الاحداث الجارية وبعض الاحاسيس والحوارات التى تدور بينى وبين نفسى , ولهذا بداية مدونتى او ما ساسمية ببداية كتاب حياتى , فقط لكى اتحدث لنفسى بصوت عالى واشاركها معا زوى العلم والخبرة .
لهذا فانا ابدا حوارى بحوار عام وليس عن اى موضوع او حدث او شخص معين .

فقط لانها البداية ...